Google ADS

KQZ e vendos: Zgjedhjet për Rrogozhinën të Shqipërisë do të mbahen më 23 Korrik

18:59 | 4 Korrik 2023
Orgesa Haziri

Pas ankimimit të koalicionit opozitar “Bashkë Fitojmë”, Kolegji Zgjedhor vendosi më 15 Qershor përsëritjen e zgjedhjeve për bashkinë e Rrogozhinës, duke e shpallur të pavlefshëm rezultatin e 14 Majit.

Këtë të Martë Komisioni Qendror i Zgjedhjeve vendosi që zgjedhjet për kreun e bashkisë Rrogozhinë të mbahen më 23 Korrik. Ky vendim erdhi pas afro dy muajve nga dita zyrtare e zhvillimit të zgjedhjeve vendore.

Kujtojmë se më 14 Maj, fitues u shpall kandidati socialist Edison Memolla, por kjo fitore u kundërshtua nga pala opozitare për shkak të votave të burgut.

Rezultati i zgjedhjeve në Bashkinë Rrogozhinë u kontestua në disa shkallë nga ana e koalicionit opozitar “Bashkë Fitojmë” si në KQZ dhe në KAS. Madje Komisioni i Ankimimeve dhe Sanksioneve pranoi kërkesën për rinumërimin e votave duke bërë diferenca e 30 votave e kandidatit socialist ndaj atij të opozitës të ngushtohet në 21 vota./tvklan.al

Shpërndaje në rrjete sociale

Lajmet më të lexuara

Të ngjashme

Foto lajm